Suriyada yeni hökumətin üzvlərini pusquya saldılar - Ölənlər var
Suriyanın Tartus vilayətində devrilmiş Bəşər Əsəd rejiminin ünsürləri yeni administrasiyanın təhlükəsizlik qüvvələrini pusquya salıb.
Crossmedia.az “HaberGlobal”a istinadla xəbər verir ki, Hələb şəhərində bir din xadiminin türbəsinə zərər verildiyi iddiaları əsasında keçirilən etiraz aksiyalarının ardından Hums şəhərində komendant saatı elan edilib.
Qeyd edək ki, Əsəd tərəfdarları ilə müxaliflər arasında paytaxt Dəməşqdə baş verən toqquşmalardan sonra Tartus əyalətində də gərginlik artıb.
Suriyanın yeni müvəqqəti rəhbərliyinə bağlı olan Daxili İşlər Nazirliyinin verdiyi bəyanatda, hücumda 14 polisin həlak olduğu, 10 polisin isə yaralandığı qeyd edilib.
Bildirək ki, nazirlik ölkənin təhlükəsizliyini pozmağa və ya suriyalıların həyatını təhlükəyə atmağa cəhd edən hər kəsə qarşı sərt tədbirlərin görüləcəyini bəyan edib.
Nəzrin Salmanova
10:33 26.12.2024
Oxunuş sayı: 16354
