Papanın İsraili sərt tənqid etməsindən sonra səfir XİN-ə çağırıldı
Papanın İsraili sərt tənqid etməsindən sonra Vatikanın İsraildəki səfiri İsrail Xarici İşlər Nazirliyinə çağırılıb.
Crossmedia.az xəbər verir ki, bu məlumatı “Habertürk” yayıb.
Papa bir müddət əvvəl İsraili qəddarlıqda ittiham edərək ona sərt tənqidlər ünvalayıb.
Milad bayramında Ukraynada, bütün Yaxın Şərqdə və dünyanın bütün cəbhələrində atəşkəs üçün dua edək”, - deyən katoliklərin ruhani lideri, “Mən Qəzzanın çoxlu vəhşiliklərini, uşaqların pulemyotlarla vurulduğunu düşünürəm , məktəblərin bombalanması və xəstəxanalar... Qəddarlıqdır", - dedi.
Katoliklərin ruhani lideri olan Papa daha əvvəl İsraili tənqid edən açıqlamalar vermiş, lakin İsraili zülmdə ittiham etməmişdi.
Papa İsrailin dekabrın 21-də Qəzzaya endirdiyi hava zərbələrini də eyni şəkildə tənqid edərək, "Onlar əvvəllər Patriarxın (Kardinal Pierbattista Pizzaballa) Qəzzaya girməsinə icazə versələr də, indi buna da icazə vermədilər və dünən uşaqlar bombardman edildi. Bu, müharibə deyil, zülmdür. Bunu ürəklərə toxunduğu üçün demək istəyirəm",- dedi
Samirə Şərif
09:55 26.12.2024
Oxunuş sayı: 6960
