Gənclər və İdman

Gəncədə “Olimpiya Ümidləri” beynəlxalq karate turniri keçirildi

İyulun 18-19-da Gəncə İdman Sarayında “Olimpiya Ümidləri” beynəlxalq karate turniri keçirilib.

Crossmedia.az xəbər verir ki, Azərbaycan Karate Federasiyası və Azərbaycan Respublikasının Gənclər və İdman Nazirliyinin birgə təşkilatçılığı ilə baş tutan yarışda Azərbaycan karateçiləri ilə yanaşı, Türkiyə, Pakistan, Gürcüstan və Rumıniyanı təmsil edən komandaların tərkibində ümumilikdə 600 idmançı mübarizə aparıb.

Turniri yerli və xarici mütəxəssislərdən ibarət 32 nəfərlik hakimlər heyəti idarə edib. Hakimlər heyətində 12 beynəlxalq dərəcəli hakim təmsil olunub.

Turnirin əsas məqsədi Azərbaycanda karatenin inkişafına töhfə vermək, yeniyetmə və gənclərin vətənpərvərlik, yüksək mənəvi dəyərlər ruhunda yetişdirilməsini dəstəkləmək, perspektivli idmançıları müəyyənləşdirmək və beynəlxalq idman əməkdaşlığını genişləndirmək olub.

Açılış mərasimində şəhid ailələrinin üzvləri, qazilər, Milli Məclisin deputatları, Gəncə Şəhər İcra Hakimiyyətinin rəhbərliyi, eləcə də idman ictimaiyyətinin nümayəndələri iştirak ediblər.

🖨 Çap et

22:09 19.07.2026

Oxunuş sayı: 73