Suriyanın bərpası üçün tələb olunan vaxt və maliyyət məlum olub
Əsəd rejiminin devrilməsinin ardından diqqət Suriyanın yenidən qurulması ssenarilərinə yönəlib. Ölkənin ayağa qalxması üçün ən azı 400 milyard dollara və 10 ilə ehtiyac olduğu bildirilir.
Crossmedia.az “Haber Global”a istinadən xəbər verir ki, müharibə nəticəsində infrastruktur, kənd təsərrüfatı, sənaye və xidmət sektorlarının böyük zərər gördüyü Suriyada bərpa prosesinin ən az 10 il çəkəcəyi gözlənilir. Bunun üçün tələb olunan büdcə isə ən az 400 milyard dollar olaraq hesablanır. Suriyanın yalnız infrastrukturunu yenidən qurmaq və yerindən edilmiş vətəndaşlarını geri qaytarmaq deyil, həm də Əsədin qoyub getdiyi nəhəng borc yükünü həll etməsi lazım gəlir. İran və Rusiya kimi böyük kreditorların bu borcları yeni keçid hökumətinə qarşı təzyiq vasitəsi kimi istifadə edə biləcəyi qeyd edilir. Xatırladaq ki, İran və Rusiya vətəndaş müharibəsi dövründə Əsəd rejiminə həm hərbi, həm də maliyyə və lojistik dəstək göstərmişdi.
Fidan Hacızadə
13:16 24.12.2024
Oxunuş sayı: 8911
