Xırdalan şəhərində partlayış - Xəsarət alanlar var
Abşeron rayonu, Xırdalan şəhərində yerləşən çoxmərtəbəli yaşayış binasında partlayış baş verib.
Crossmedia.az xəbər verir ki, Fövqəladə Hallar Nazirliyinin (FHN) “112” qaynar telefon xəttinə hadisə barədə məlumat daxil olan kimi, Dövlət Yanğından Mühafizə və Xüsusi Riskli Xilasetmə xidmətlərinin qüvvələri əraziyə cəlb olunub.
Əməliyyat şəraitinin qiymətləndirilməsi nəticəsində müəyyən edilib ki, partlayış onbir mərtəbəli binanın 4-cü mərtəbəsində baş verib və yanğınla müşayiət olunmayıb. Partlayış dalğası nəticəsində iki mənzilə və yaxınlıqda park edilmiş dörd avtomobilə ziyan dəyib. Hadisə nəticəsində dörd nəfər müxtəlif dərəcəli xəsarət alıb.
FHN-in qüvvələri tərəfindən yaralıların təxliyəsi həyata keçirilib və ərazidə təhlükəsizlik tədbirləri görülüb.
Hadisənin başvermə səbəbləri ilə bağlı aidiyyəti qurumlar tərəfindən araşdırma aparılır.
17:40 22.12.2024
Oxunuş sayı: 7799
