Agentlik qərar verdi: Bu dövlət qurumunda pozuntular aşkarlanıb
Prezident yanında Antiinhisar və İstehlak Bazarına Nəzarət Dövlət Agentliyi Azərbaycan Dövlət Su Ehtiyatları Agentliyinin Regional Su Meliorasiya ilə bağlı apardığı araşdırmanı yekunlaşdırıb.
Crossmedia.az bu barədə Antiinhisar Dövlət Agentliyinə istinadən xəbər verir.
Məlumata görə, araşdırma Rəqabət Məcəlləsinin 39.7-ci maddəsinin tələblərinə əsasən sahibkarlıq fəaliyyətinin nəticələrinə dair maliyyə hesabatlarının müəyyən edilmiş qaydada və vaxtında rəqabət orqanına təqdim edilməməsi ilə bağlı aparılıb, sözügedən maddənin tələblərinin pozulması əlamətləri müəyyən edilib.
Bununla belə, araşdırma yekunlaşana qədər qanunvericiliyin pozulması halı könüllü şəkildə aradan qaldırılıb. Bu səbəbdən Antiinhisar Nəzarət Dövlət Agentliyi araşdırmaya xitam verilməsi barədə qərar qəbul edib.
16:39 23.06.2026
Oxunuş sayı: 48
