Azərbaycanın daha 3 boksçusu Çində keçirilən Dünya Kubokunda mərhələ adlayıb
Azərbaycanın daha 3 boksçusu Çinin Quyyan şəhərində keçirilən reytinq xarakterli Dünya Kubokunda mərhələ adlayıb.
Crossmedia.az bu barədə Azərbaycan Boks Federasiyasına istinadən xəbər veri ki, 55 kq-da Amin Məmmədzadə Paak Yinq Honu (Honkonq) sınağa çəkib.
Azərbaycan təmsilçisi rəqibini 5:0 (30:26, 30:25, 30:24, 30:25, 30:26) hesabı ilə məğlub edib. O, 1/8 finalda Samandar Olimovla (Özbəkistan) üz-üzə gələcək.
Görüş iyunun 17-də olacaq.
Səidcəmşid Cəfərov (75 kq) da Dünya Kubokuna qələbə ilə başlayıb – 5:0 (30:27, 30:27, 30:27, 30:27, 30:27). O, 1/4 finalda Muhammad Nurani (İran) ilə münasibətinə aydınlıq gətirəcək.
Döyüş iyunun 19-da olacaq.
Komanda yoldaşlarının uğurunu Alfonso Dominqes (90 kq) də davam etdirib. Dünya çempionu 1/4 finalda Kevin Lebovskini (Almaniya) yarışdan kənarlaşdırıb – 5:0 (30:27, 30:27, 30:27, 30:27, 29:28). Yarımfinala yüksəlməklə özü üçün azı bürünc medalı təmin edən Dominqes bu mərhələdə İsaak Oko (İngiltərə) ilə gücünü yoxlayacaq.
Qeyd edək ki, Dünya Kubokuna iyunun 21-də yekun vurulacaq.
20:38 16.06.2026
Oxunuş sayı: 47
