“The Bukharian Times” qəzetində buxara yəhudilərinin Azərbaycana səfəri ilə bağlı məqalə dərc edilib
Nyu Yorkda işıq üzü görən "The Bukharian Times” qəzetində ABŞ və Kanada Buxara Yəhudiləri Konqresinin üzvlərindən ibarət 25 nəfərlik qrupun Azərbaycana səfəri barədə məqalə dərc olunub.
Crossmedia.az xəbər verir ki, məqalədə cari ilin 14 oktyabrında Bakıya gələn nümayəndə heyətinin şəhərimizin tarixi abidələri ilə tanışlığı, “Alov Qüllələri”, “Dağüstü Park”, “Fəvvarələr Meydanı”, “İçərişəhər”, “Atəşgah məbədi” və digər görməli yerləri gəzmələri barədə məlumat verilib. “Şəhidlər Xiyabanı”nda uyuyan, Azərbaycanın ərazi bütövlüyü uğrunda öz canlarından keçən şəhidlərimizin məzarını ziyarət etmələri diqqətə çatdırılıb.
Azərbaycanın zəngin mətbəxinə heyran olan qrup üzvlərinin növbəti günlərdə Quba və Qəbələ şəhərlərinə yollandıqları, Qubada yerləşən qədim yəhudi abidələrini ziyarət etdikləri, şəhərin gözəl təbiətindən və tarixi tikililərindən zövq aldıqları bildirilir.
18:14 18.12.2024
Oxunuş sayı: 19250
