Netanyahu: “Hermon dağı işğalı 2025-ci ilin sonuna qədər davam edəcək”
İsrail Baş naziri Benyamin Netanyahu Suriyadakı Hermon dağı ətrafındakı tampon bölgənin işğalının 2025-ci ilin sonuna qədər davam etdirilməsi ilə bağlı orduya göstəriş verib.
Crossmedia.az İsrailin Kanal 12 televiziyasında yayımlanan xəbərinə istinadən bildirir ki, Netanyahu dünən Hermon dağına səfəri zamanı Müdafiə naziri Yisrael Katz və Baş Qərargah rəisi Herzi Halevi ilə birlikdə işğal edilən tampon bölgədə olub və burada İsrail ordusuna təlimatlar verib.
Baş nazirlikdən yayılan açıqlamada Netanyahu ordunun Hermon dağı bölgəsindəki işğalın gələcəyi ilə bağlı strategiyanı müəyyən etdiyini bildirib. Detalları açıqlanmayan bu göstərişdə işğalın “İsrailin təhlükəsizliyini təmin edən bir həll yolu tapılana qədər” davam edəcəyi vurğulanıb.
Qeyd edək ki, Netanyahu bu səfəri zamanı işğalın İsrailin milli təhlükəsizlik maraqları baxımından vacib olduğunu bir daha bəyan edib.
Gültac Mehdizadə
11:06 18.12.2024
Oxunuş sayı: 6145
