Hadisə

“Mədəni irsimiz dünən və bu gün” mövzusunda tədbir keçirilib

S.C.Pişəvəri adına Humanitar fənlər gimnaziyasında Quba “Soyqırımı Memorial Kompleksi” nin təşkilatçılığı ilə “Mədəni irsimiz dünən və bu gün” mövzusunda tədbir keçirilib.

Crossmedia.az xəbər verir ki, xalqımızın ümummilli lideri Heydər Əliyevin və Azərbaycanın müstəqilliyi, ərazi bötövlüyü uğrunda canından keçən şəhidlərimizin əziz xatirəsi bir dəqiqəlik sükutla yad olunub. Tədbiri Gimnaziyanın direktoru İlqar Talıbov açaraq Azərbaycanın bütövlüyündən, eyni zamanda 44 günlük Vətən müharibəsinin nəticəsindən danışıb.

“Mədəni irsimiz dünən və bu gün” mövzusunda “Quba şəhərində Soyqırımı Memorial Kompleksi”nin aparıcı mütəxəssisi Nazilə Məmmədova çıxışında Qarabağın maddi-mənəvi irsi haqqında ətraflı məlumat verib.
AMEA Şərqşünaslıq İnstitutunun aparıcı elmi işçisi, Quba “Soyqırımı Memorial Kompleksi”nin mütəxəssisi, tarix üzrə fəlsəfə doktoru, dosnet Sübhan Talıblı Qarabağın tarixi, Ermənistanın Azərbaycanın tarixi, erməni vandalizmi nəticəsində dağıdılmış maddi-mənəvi abidələrlə bağlı geniş çıxış edib.
Sonda Quba şəhərində “Soyqırımı Memorial Kompleksi”nin aparıcı mütəxəssisi Nazilə Məmmədova tədbirin təşkilinə görə gimnaziyanın rəhbərliyini və çıxış edən şagirdləri Təşəkkürnamə və sertifikatlarla təltif edib.