Avropa

Putin öldürülə bilər: Kreml daxilində nə baş verir?

Rusiya prezidenti Vladimir Putinə yaxın çevrədə təhlükəsizlik tədbirləri kəskin şəkildə gücləndirilib.

“CNN International”ın əldə etdiyi Avropa kəşfiyyat qurumlarından birinin hesabatına görə, yüksək rütbəli rus hərbi rəhbərlərinə qarşı son sui-qəsd dalğası və mümkün çevriliş ehtimalı Kreml daxilində ciddi narahatlıq yaradıb.

Hesabatda bildirilir ki, Putinin yaxın işçi heyətinin evlərinə müşahidə sistemləri quraşdırılıb. Rusiya lideri ilə işləyən aşpazlar, mühafizəçilər və fotoqraflara ictimai nəqliyyatdan istifadə qadağan olunub. Putini ziyarət etmək istəyən şəxslər iki mərhələli təhlükəsizlik yoxlamasından keçməlidir. Eyni zamanda, onun yaxın çevrəsində çalışanlara yalnız internetə çıxışı olmayan telefonlardan istifadə etməyə icazə verilir.

Bu tədbirlərin bir hissəsinin ötən ilin dekabrında yüksək rütbəli rus generalının öldürülməsindən sonra tətbiq edildiyi qeyd olunur. Həmin hadisənin Rusiyanın təhlükəsizlik strukturlarının yuxarı eşelonlarında ciddi fikir ayrılıqlarına səbəb olduğu bildirilir.

Türkiyəli politoloq Hüseyn Şeyhanlıoğlu sözügedən ehtimallar barədə Crossmedia.az-a danışıb: “Bu iddialara inanmıram. Onsuz da Putini Rusiya “dərin dövləti” yetişdirib. O baxımdan həm onun öldürülməsi, həm də hakimiyyət çevrilişi ehtimalını istisna edirəm. Çünki Rusiya iş adamları da, media da təzyiq altındadır. Rusiyada Putinlə Təhlükəsizlik Şurasının sədri Dmitri Medvedev tandeminin iqtidarı davam edəcək”.

🖨 Çap et

18:20 05.05.2026

Oxunuş sayı: 66