"Azərbaycanda Qadınların İş və Karyera İnkişafının Təşviqində Liderlik Nailiyyətləri" adlı tədbir keçirilir
"Azərbaycanda Qadınların İş və Karyera İnkişafının Təşviqində Liderlik Nailiyyətləri" adlı tədbir keçirilir.
Tədbir Dünya Bankının AZTAF proqramı çərçivəsində dəstəyi ilə həyata keçirilir.
Tədbirdə Dünya Bankının Azərbaycan üzrə meneceri Stefanie Stalmeister, "Azərbaycan Dəmir Yolları" QSC-nin (ADY) Kommunikasiya Departamentinin rəhbəri Aybəniz İsmayılova, Bakı Limanının İnsan resursları departamentinin aparıcı mütəxəssisi Nuranə Muradova, Dünya Bankının Gender üzrə baş məsləhətçisi Şəmsiyyə Mustafayeva və digər şəxslər iştirak edirlər.
Tədbirdə Bakı Limanı və Azərbaycan Dəmir Yollarında aparılmış gender qiymətləndirməsinin əsas nəticələri, bir neçə Azərbaycan şirkətində qadınların məşğulluğunun artırılması sahəsində nailiyyətlər təqdim olunacaq və Dünya Bankının Azərbaycan dilində tərtib etdiyi iş yerində sağlamlıq və əməyin mühafizəsi üzrə onlayn təlim kursu barədə məlumat veriləcək. (Trend)
07:03 11.12.2024
Oxunuş sayı: 10059
