Bakıda narkotik qaçaqmalçılığı ilə bağlı cinayət işi məhkəməyə çıxarılıb
Bakıda narkotik vasitələrin qanunsuz dövriyyəsi ilə məşğul olan mütəşəkkil dəstəyə qarşı cinayət işi üzrə məhkəmə prosesi başlayıb.
Crossmedia.az bu barədə xəbər verir ki, Bakı Ağır Cinayətlər Məhkəməsində Sergey Safronov, Anton Draçev, Dmitri Bezuqlıy, Dmitri Fedorov, Aleksandr Vayserov, Valeri Dulov, Aleksey Vasilçenko və İlya Bezuqlıy barəsində ittiham aktı elan olunub.
İstintaq materiallarına əsasən, təqsirləndirilən şəxslər mütəşəkkil dəstə şəklində fəaliyyət göstərərək külli miqdarda heroin, metadon və metamfetamini qanunsuz yollarla əldə ediblər.
Bildirilir ki, onlar narkotik maddələri öz aralarında bölüşdürərək Bakı şəhərində satışını həyata keçirməyi planlaşdırıblar.
Məhkəmənin qərarı ilə bütün təqsirləndirilən şəxslər barəsində həbs qətimkan tədbiri seçilib.
Onlar Azərbaycan Respublikası Cinayət Məcəlləsinin mütəşəkkil dəstə tərəfindən külli miqdarda narkotik və psixotrop maddələrin qanunsuz dövriyyəsi ilə bağlı maddələri ilə ittiham olunurlar.
Araşdırmalar davam edir.
15:15 10.04.2026
Oxunuş sayı: 47
