Sosium
Azərbaycan universitetlərinin uğurları - 2026
Son beş ildə Beynəlxalq Reytinq mərkəzlərində Azərbaycan Universitetlərinin qazandıgı ugurlar diqqəti cəlb edir. Xüsusilə də QS məlumat bazasının verdiyi məlumata görə Azərbaycan Universitetlərinin inkişaf dinamikası müşaidə olunmaqdadır. Multidistiplinar Universitetlər içərisində Bakı Dövlət Universitetinin, iqtisadiyyat yönümlü Universitetlər sırasında UNEC və dillər sahəsində Azərbaycan Dillər Universitetinin ugurlarını hər zaman izləyirik.
25 mart tarixində “Quacquarelli Symonds” (QS) Beynəlxalq Reytinq agentliyi 2026-cı il fənn sahələri üzrə dünyanın ən yaxşı universitetlərinin növbəti reytinq cədvəlini dərc edib. Nəticələrə əsasən, Azərbaycan Dillər Universiteti “Müasir dillər” istiqaməti üzrə mövqeyini əhəmiyyətli dərəcədə yaxşılaşdıraraq 151–200 aralığında qərarlaşıb. Universitet eyni zamanda “Linqvistika” sahəsi özrə ilk dəfə reytinqə daxil olaraq 251–300-cü yerlər qrupunda təmsil olunub. Qeyd edək ki, bu sıralamanın ilk üç yerini Oksford Universiteti, Harvard Universiteti və Kembric Universiteti tutur.
QS tərəfindən bu ilin reytinqlərinin hazırlanması məqsədilə təxminən 6,273 ali təhsil müəssisəsinin akademik nüfuzu və elmi-tədqiqat fəaliyyətinin nəticələri təhlil edilib. Bu qurumlar arasından 1,908 universitet 55 dar ixtisas sahəsi və 5 geniş fənn istiqaməti üzrə qiymətləndirilmiş, nəticədə 21,000-dən çox göstərici formalaşdırılmışdır. Bu statistika QS-in fənn reytinqlərinin hazırlanmasının genişmiqyaslı və kompleks xarakter daşıdığını nümayiş etdirir.
Qeyd edək ki, Azərbaycan Dillər Universiteti göstəricilərinə görə sadəcə inkişaf etmir, inkişafın dinamikası müşaidə olunur. Belə ki, universitet 2023 və 2024-cü illərdə “Müasir dillər” sahəsi üzrə 301–340 aralığında qərarlaşdığı halda, 2025-ci ildə mövqeyini 201–250 aralığına yöksəltmiş, 2026-cı ildə isə bu göstəricini daha da yaxşılaşdıraraq ilk 200-likdə yer almışdır.
QS fənn reytinqləri beş əsas indikator əsasında formalaşdırılır: akademik nüfuz, işəgötürənlər arasında nüfuz, bir məqaləyə düşən istinadların sayı, H-indeks və beynəlxalq elmi əməkdaşlıq indeksi. Bu göstəricilər ali təhsil müəssisələrinin həm elmi-tədqiqat potensialını, həm də qlobal akademik möhitdəki mövqeyini kompleks şəkildə qiymətləndirməyə imkan verir.
Qeyd olunan beş indikatordan ikisi bibliometrik fəaliyyətin göstəriciləridir. ADU Elmi Kitabxana və İnformasiya Xidməti Mərkəzi olaraq Universitet alimlərinin elmi məqalələrini, onların nüfuzlu məlumat bazalarında görünüklüyünü artırmaq, alimlərimizin H indeksinin manitorinq olunması və informasiya maarifləndirilməsi işləri ilə məşgul olur. Gənc alim və tədqiqatçılarımıza, maqistr və doktorantlara keçirdiyimiz təlimlərdə elmmetrik və bibliometrik fəaliyyətin alətləri haqqında məlumatlar verir, akademik profillərin yaradılması, elmi platformalardan səmərəli istifadə yolları göstərilir.
Universitetin Elmi Kitabxanası SCOPUS, WOS və Google Scholar bazalarından istifadə qaydaları, görünüklüyün artması, elmi jurnallarla əməkdaşlıq, məlumat axtarışı vərdişləri, düzgün biblioqrafik istinadların edilməsi metodikası haqqında tədqiqatçıları mütamadi məlumatlar verilir.
ADU-nun Elmi Kitabxana və İnformasiya Xidməti Mərkəzi alimlərin elmi platformalarda aktivliyinin artıtlması, akademik profillərin yaradılması və elmmetrik biliklərin təbliği istiqamətində sistemli fəaliyyət göstərir.
Göründüyü kimi Azərbaycan Dillər Universitetinin professor möəllim heyətinin WOS məlumat bazasında 128 möəllifin 143 məqaləsi çap olunmuşdur. SCOPUS məlumat bazasında universitet əməkdaşlarından 82 müəllifin 107 məqaləsi çap olunmuşdur. Məqalələrə edilmiş elmi istinadlar və alimlərimizin H indeksinin artım dinamikası daima diqqətimizdədir.
“Google Scholar” məlumat bazasında akademik profillərin yaradılması və yeni malumatların sistemə yöklənməsi sahəsində tədqiqaçılara mötəmadi təlimlər keçiririk. Bu məlumat bazasında təmsil olunan elmi kollektivin siyahısına akademik Kamal Abdulla başçılıq edir. Kamal Abdullanın 18 H indeksi ilə 504 elmi istinadı məlumat bazasında ən yöksək göstəricidir.
ADU Elmi Kitabxana və İnformasiya Xidməti Mərkəzi Azərbaycanın Milli H indeksi reytinqinin formalaşması və yenilənməsi prosesini də daim diqqət mərkəzində saxlayır. Bu məlumat bazasında Universitetin əldə etdiyi uğurlar izlənilir, göstəricilər təhlil edilir və Universitetin Elm şöbəsi ilə yaxından əməkdaşlıq edilir.
Azərbaycan Dillər Universitetinin nailiyyətləri onun beynəlxalq akademik məkanda mövqeyinin möhkəmləndiyini nümayiş etdirir. Bu proseslərin inkişaf etdirilməsi məqsədi ilə Elmi Kitabxana və İnformasiya Xidməti Mərkəzi Analitik İnformasiya Xidməti şöbəsi göndəlik fəaliyyətini məhz bibliometrik araşdırmalara yönəldib. Digər Universitet kitabxanalarının da bu istiqamətdə fəaliyyətinin genişlənməsi gözlənilir. Universitet kitabxanalarının bibliometrik fəaliyyət sahəsində işlərinin əlaqələndirilməsi müasir dövrün tələbi olaraq nəzərdən keçirilməlidir.
ADU Elmi Kitabxana və İnformasiya Xidməti
Mərkəzinin direktoru Cəmilə Əliyeva
12:54 08.04.2026
Oxunuş sayı: 671
