Azərbaycan Basketbol Liqasında pley-in mərhələsinin oyun cədvəli açıqlanıb
Azərbaycan Basketbol Liqasında pley-in mərhələsinin oyun cədvəli açıqlanıb.
Crossmedia.az xəbər verir ki, qarşılaşmalar 3–10 aprel tarixləri aralığında keçiriləcək.
Reqlamentə əsasən, iki qələbəyə ən tez çatan komanda 1/4 finala vəsiqə qazanacaq.
İlk oyun günündə – aprelin 3-də iki qarşılaşma baş tutacaq.
Saat 15:00-da "Quba" ilə "Şəki" üz-üzə gələcək. Günün digər matçında isə saat 19:00-da "Naxçıvan" "Sərhədçi" ilə münasibətlərinə aydınlıq gətirəcək.Naxçıva
Növbəti gün saat 14:00-da "Gəncə" "Lənkəran"la qarşılaşacaq. Günün son oyununda isə saat 16:00-da "NTD" "Sumqayıt"ı qəbul edəcək.
Tərəflər arasında cavab oyunları 6–7 aprel tarixlərinə təsadüf edəcək. Aprelin 6-da saat 14:00-da "Şəki" – "Quba", saat 20:00-da isə "Sərhədçi" – "Naxçıvan" qarşılaşmaları keçiriləcək.
Aprelin 7-də isə daha iki oyun baş tutacaq. Saat 15:00-da "Lənkəran" "Gəncə"ni sınağa çəkəcək. Günün son matçında isə saat 19:00-da "Sumqayıt" "NTD" ilə üz-üzə gələcək.
Zərurət yaranacağı halda, əlavə oyunlar 9–10 aprel tarixlərində təşkil olunacaq. Bu qarşılaşmalar pley-in mərhələsində qaliblərin müəyyənləşməsi üçün həlledici rol oynaya bilər.
22:25 31.03.2026
Oxunuş sayı: 47
