"Qarabağ" Bakıda xal İTİRDİ
Misli Premyer Liqasında XVI turun növbəti oyunu keçirilib.
Crossmedia.az xəbər verir ki, son çempion “Qarabağ” səfərdə “Sabah”la qarşılaşıb. Görüş 1:1 hesablı heç-heçə ilə nəticələnib.
Rəqiblərindən bir oyun az keçirən Ağdam klubu 38 xalla 2-ci sırada qərarlaşıb. “Bayquşlar” isə 23 xalla 5-ci pillədədir.
Günün ilk qarşılaşmasında “Səbail” və “Araz-Naxçıvan” komandaları üz-üzə gəliblər. “ASCO Arena”da keçirilən görüş Naxçıvan təmsilçisinin 2:0 hesablı qələbəsi ilə başa çatıb.
Bu nəticədən sonra qonaqlar 39 xalla liderliyə yüksəlib, meydan sahibləri isə 8 xalla sonuncu – 10-cu pillədə qalıb.
Qeyd edək ki, XVI turun digər görüşləri dekabrın 8-i və 9-da reallaşacaq.
16:43 07.12.2024
Oxunuş sayı: 7566
