KİV: İrana mümkün zərbə Tramp üçün nüfuz məsələsinə çevrilib
Əgər Amerika ordusu ciddi itkilərə məruz qalarsa, bu, Trampın nüfuzuna ciddi ziyan vuracaq və Respublikaçıları seçkilərdə məğlubiyyətlə hədələyəcək.
Amerika ordusu İrana zərbə endirməyə hazırdır, lakin son qərar Ağ Ev rəhbəri Donald Trampa aiddir.
Crossmedia.az "Sputnik Armenia"ya istnadən xəbər verir ki, bunu erməni analitik, Amerikaşünas Suren Sarkisyan bildirib.
Onun fikrincə, Tramp mümkün daxili siyasi nəticələri hesablamağa çalışdığı üçün qərar verməyə tələsmir.
Sarkisyan hesab edir ki, Ağ Ev lideri iki strateji məqsədi həll etmək üçün vaxt qazanmalıdır. Birincisi, ictimai dəstəyin artırılmasıdır. Ekspertin fikrincə, Trampın diplomatik variantların tükəndiyini və İranın nüvə silahı hazırlamağa yaxın olduğunu nümayiş etdirməsi vacibdir.
İkinci məqsəd ABŞ daxilindəki siyasi risklərlə bağlıdır. Əgər Amerika ordusu ciddi itkilərə məruz qalarsa, bu, Trampın nüfuzuna və Respublikaçılar Partiyasının təsdiq reytinqlərinə mənfi təsir göstərə bilər. “Əməliyyat ciddi nəticələrə gətirib çıxararsa, bu, Trampa birbaşa zərbə olacaq. Respublikaçılar noyabr seçkilərində mövqelərini itirə bilərlər və Demokratlar impiçment gündəliyini gücləndirəcəklər. Nümayəndələr Palatasına artıq üç impiçment qanun layihəsi təqdim edilib və işlər pis gedərsə, bəzi respublikaçılar onlara qoşula bilər”, - deyə Sarkisyan qeyd edib.
O, xatırladıb ki, əvvəlki dövrdə Demokratlar ictimaiyyətə və mediaya əhəmiyyətli dərəcədə təzyiq göstəriblər və nəticədə impiçment təşəbbüsünü təxminən on respublikaçı dəstəkləyib.
“Buna görə də Tramp nəticələri diqqətlə hesablamalı olacaq. Lakin hərbi münaqişə ehtimalı yüksək olaraq qalır”, - deyə ekspert vurğulayıb.
Daha əvvəl “The New York Times” mənbələrə istinadən bildirib ki, danışıqlar və ya məhdud hərəkətlər uğursuz olarsa, Tramp İrana böyük zərbə endirməyi düşünür. Prezidentin özü jurnalistlərin suallarını cavablandırarkən məhdud zərbələr variantını istisna etmədiyini bildirib. Öz növbəsində, İran Xarici İşlər Nazirliyinin sözçüsü İsmayıl Bəqayi xəbərdarlıq edib ki, hətta ABŞ-ın “məhdud zərbəsi” də Tehran tərəfindən təcavüz aktı kimi qəbul ediləcək.
15:43 24.02.2026
Oxunuş sayı: 634
