ABŞ İranı razı salmağa çalışacaq, ancaq... - Politoloq
ABŞ ilə İran arasında artan gərginlik yenidən hərbi qarşıdurma ehtimalını gündəmə gətirib. Tərəflər arasında davam edən danışıqlara baxmayaraq, qarşılıqlı etimadsızlıq açıq şəkildə hiss olunur. Vaşinqtonun əsas tələbi Tehranın nüvə proqramını tam şəkildə məhdudlaşdırmasıdır, lakin İran bu məsələdə geri addım atmağa meylli görünmür. Regionda baş verən proseslər göstərir ki, diplomatik cəhdlərlə yanaşı alternativ ssenarilər də müzakirə olunur. Mövcud vəziyyət Yaxın Şərqdə təhlükəsizlik balansını ciddi şəkildə sarsıda biləcək mərhələyə daxil olub.
Mövzu ətrafında Crossmedia.az-a açıqlama verən politoloq Zeynal Əmrəliyev hesab edir ki, ABŞ bir müddət İrana hücum ilə bağlı tərəddüd edəcək: "Hələ ki danışıqlar prosesləri davam edəcək. Bununla da ABŞ İranı razı salmağa çalışacaq. Ancaq görünür ki, vəziyyət heç də ürəkaçan deyil. Hər iki tərəf dən verilən açıqlamalar bunu deməyə əsas verir. ABŞ yaya doğru İrana qarşı yenidən əməliyyatlar apara bilər. Bu zaman isə rejimin həm siyasi, həm də ordu rəhbərlərinə sui-qəsd planları aktivləşəcək. Bu müddətdə biz bəzi hadisələrin şahidi ola bilərik. Artıq İranda bununla bağlı hazırlıqlar başlayıb v rejimin siyasi , hərbi rəhbərliyi sui-qəsd olsa, öz yerlərinə varislər hazırlayırlar. Burada real nəticələrə gəlmək çox da mümkün görünmür".
Z.Əmrəliyevin sözlərinə görə, tərəflər arasında müəyyən qədər fikir ayrılıqları çoxdur: "ABŞ İranın nüvə silahından tamamilə imtina etməsini və Uranın zənginləşdirilməsi prossesinin formal qalmasını istəyir. Amma İran tərəfi bu məsələ ilə bağlı çox sərt mövqedədir. Hazırkı prezident Məsud Pezeşkian Qərblə dioloqa açıq olsa da, SEPAH yenə də çox güclü qüvvədədir".
Fatimə Məmmədova
10:30 23.02.2026
Oxunuş sayı: 607
