Göyçayda 4 güləş zalı istifadəyə verilib
Azərbaycan Güləş Federasiyası (AGF) bölgələrdə infrastrukturun və maddi-texniki bazanın gücləndirilməsi istiqamətində fəaliyyətini davam etdirir.
Crossmedia.az xəbər verir ki, AGF-dən bildirilib ki, bu fəaliyyət planının tərkib hissəsi olaraq, regionlarda daha 4 güləş zalı istifadəyə verilib.
Gənclər və idman naziri Fərid Qayıbov, AGF-nin vitse-prezidentləri Namiq Əliyev, Namiq Abdullayev, Fərid Mansurov, həmçinin federasiyanın baş katibi Pərvin Piriyevin iştirakı ilə güləş zallarının açılışı olub. Güləş Federasiyasının Elm və Təhsil Nazirliyi ilə əməkdaşlıq çərçivəsində Qarabaqqal kənd orta məktəbinin, Göyçay şəhərində isə 1, 3 və 6 saylı orta məktəblərin idman zalları güləşçilərin ixtiyarına verilib. Güləşin bütün növləri üzrə idmançıları yetişdirən zallarda məşqlər ödənişsizdir. Bu güləş mərkəzlərində 600-dən artıq idmançının məşq etməsi üçün hər cür şərait var.
Qeyd edək ki, AGF il ərzində mütəmadi olaraq yeni güləş zallarının açılışını planlaşdırır.
11:15 10.01.2026
Oxunuş sayı: 2436
