Oğuzda mikroavtobus qəzası nəticəsində ölən şəxsin kimliyi məlum olub, 6 nəfər xəsarət alıb - Yenilənib
Oğuzda mikroavtobusun qəzaya uğraması nəticəsində ölən şəxsin kimliyi məlum olub.
Crossmedia.az xəbər verir ki, rayonun Sincan kəndində "Mercedes Vito" markalı mikroavtobusun sürücüsü Mahama Dibirovun idarəetməni itirməsi nəticəsində nəqliyyat vasitəsi ağaca çırpılıb. Nəticədə avtomobildə olan sərnişin, Balakən rayonunun Qazma kənd sakini, 64 yaşlı Şadnus Hümbətov aldığı xəsarətlərdən hadisə yerində ölüb.
Qəza zamanı habelə daha 6 nəfər xəsarət alıb.
Faktla bağlı cinayət işi başlanılıb, araşdırmalar aparılır.
21:00
Oğuzda ölümlə nəticələnən yol qəzası baş verib.
Crossmedia.az xəbər verir ki, hadisə Qaraməryəm-İsmayıllı-Şəki magistral yolunun Sincan kəndindən keçən hissəsində qeydə alınıb.
Belə ki, "Mercedes Vito" markalı mikroavtobus idarəetmədən çıxaraq ağaca çırpılıb.
İlkin məlumata görə, qəza zamanı 1 nəfər ölüb, daha bir neçə nəfər isə müxtəlif dərəcəli xəsarətlər alıblar.
Yaralılar Oğuz Rayon Mərkəzi Xəstəxanasına çatdırılıblar.
Faktla bağlı araşdırma aparılır.(Report)
22:45 20.12.2025
Oxunuş sayı: 1184
