Ermənistan KTMT sammitində iştirak etməyəcək
Ermənistan 28 noyabrda Astanada keçiriləcək Kollektiv Təhlükəsizlik Müqaviləsi Təşkilatının (KTMT) sammitində iştirak etməyəcək.
Crossmedia.az xarici mətbuata istinadla xəbər verir ki, bu sözləri Rusiya Federasiyasının KTMT-dəki daimi nümayəndəsi Viktor Vasilyev deyib.
"Erməni tərəfdaşları bu tədbirə iştirakdan imtina ediblər. Lakin onlar qəbul olunması nəzərdə tutulan bütün sənədlərə məhdud formatda qəbul edilməsinə etiraz etmirlər", – deyə o, bildirib.
28 noyabrda Astanada Xarici İşlər Nazirləri , Müdafiə Nazirləri və Təhlükəsizlik Şurası Katibləri Komitəsinin birgə iclası keçiriləcək.
Qeyd edək ki, iştirakçı ölkələr regional və beynəlxalq təhlükəsizlik məsələlərini müzakirə edəcəklər. İclasın sonunda bir sıra sənədlər qəbul ediləcək.
Nəzrin Salmanova
17:27 25.11.2024
Oxunuş sayı: 34712
