Apple orijinal iPhone SE-ni köhnəlmiş elan edib

MacRumors-un məlumatına görə, Apple 2016-cı ildə buraxılmış orijinal iPhone SE-ni dekabrın 1-də köhnəlmiş hesab edib.

Crossmedia.az bu barədə xarici KİV-ə istinadən xəbər verir.

Məlumata görə, şirkət siyasətinə əsasən, cihazın dayandırılmasından yeddi il keçdikdən sonra bu status verilir. Qeyd olunur ki, köhnəlmiş cihazların təmiri, batareyanın dəyişdirilməsi və digər xidmətlər Apple tərəfindən təmin olunmayacaq.

Orijinal iPhone SE 2016-cı ilin martında təqdim olunub. Model iPhone 5s dizaynına, 4 düymlük ekrana, Touch ID-li Home düyməsinə və tək kameraya malik ilk sərfəli Apple smartfonu idi. Onun varisi 2020-ci ilin aprelində, üçüncü nəsil modeli isə 2022-ci ilin martında təqdim olunub. Dördüncü nəsil model çıxmayıb və iPhone SE seriyası 2025-ci ilin əvvəlində yeni iPhone 16e ilə əvəz edilib.

Mütəxəssislər həmçinin bildiriblər ki, 2025-ci ilin payızında Realme, Redmi, Samsung və Tecno-nun sərfəli modelləri Rusiya bazarında populyarlıq qazanıb, lakin Apple smartfonları satış baxımından liderliyini qoruyub.

Nəzrin Abbas

🖨 Çap et

10:57 02.12.2025

Oxunuş sayı: 1407