Hidayət Heydərov və Rəşid Məmmədəliyev yarışı mükafatsız başa vurub
Azərbaycan cüdoçuları Birləşmiş Ərəb Əmirliklərinin paytaxtı Əbu-Dabidə keçirilən "Böyük Dəbilqə" turnirinin ikinci gününü də mükafatsız başa vurublar.
Crossmedia.az xəbər verir ki, milli üzvlərindən Olimpiya, dünya və Avropa çempionu Hidayət Heydərovla Rəşid Məmmədəliyev (hər ikisi 73 kq) fəxri kürsüdən kənarda qalıblar.
Heydərov 1/8 finaldaMukhiddin Asadulloevə (Tacikistan) uduzub. Rəşid Məmmədəliyev isə ABŞ-li Stiven Boldbaatarla bacarmayıb.
Qeyd edək ki, ötən gün yarışın startında daha 4 cüdoçumuz medal qazana bilməmişdi.
10:43
Bu gün Azərbaycanın iki cüdoçusu Birləşmiş Ərəb Əmirliklərinin paytaxtı Əbu-Dabidə keçirilən "Böyük Dəbilqə" turnirində mübarizəyə qoşulacaq.
Crossmedia.az xəbər verir ki, yarışın ikinci günündə Olimpiya, dünya və Avropa çempionu Hidayət Heydərov (73 kq) tatami üzərinə çıxacaq.
O, 1/16 finalda Adil Osmanov (Moldova) - Covanni Esposito (İtaliya) cütünün qalibi ilə qarşılaşacaq.
Eyni çəkidə yarışan digər təmsilçimiz Rəşid Məmmədəliyev isə ABŞ-li Stiven Boldbaatarla münaqsibətlərinə aydınlıq gətirəcək.
Turnirin final bloku Bakı vaxtı ilə saat 17:00-dan etibarən başlayır.
Qeyd edək ki, təmsilçilərimiz yarışın ilk gününü medalsız başa vurublar.
14:42 29.11.2025
Oxunuş sayı: 3081
