Gənclər və İdman

Premyer Liqa: "Kəpəz" səfərdə "Karvan-Yevlax"a qalib gəlib Futbol

Misli Premyer Liqasının XII turunda "Kəpəz" "Karvan-Yevlax"a qalib gəlib.

Crossmedia.az-ın məlumatına görə, Yevlax şəhər stadionunda baş tutan turun açılış matçında qonaqlar 2:1 hesablı qələbəyə sevinib.

Hesabı "sarı göylər"dən Luis Paçu açıb. O, 14-cü dəqiqədə başla dəqiq oynayıb. 31-ci dəqiqədə tablodakı rəqəmlər eyniləşib. Araz Abdullayev topu qapıçı Yusif İmanovun ayaqları arasından tora göndərib. Gəncəlilərin qələbə qolunu isə Rauf Hüseynli vurub. Futbolçu 76-cı dəqiqədə kobud oyuna görə təyin olunan penaltini qola çevirib.

Qeyd edək ki, bu qələbə sayəsində xallarının sayını 6-ya çatdıran "Kəpəz" turnir cədvəlində sonuncu pillədən qurtularaq onuncu sıraya yüksəlib. "Karvan-Yevlax" isə 5 xalla onikinci pilləyə "yuvarlanıb".