“İslam tarixinin gerçəkləri” kitabının təqdimatı keçirildi
AMEA Mərkəzi Elmi Kitabxanada “Oğuz Müstəqil Araşdırmaçılar Qrupunun sədri, tarix üzrə fəlsəfə doktoru Ceyhun Bayramlının “İslam tarixinin gerçəkləri” kitabının təqdimatı keçirilib.
Təqdimatı giriş sözü ilə açan, ADPU-nun baş müəllimi, tarix üzrə fəlsəfə doktoru Taleh Cəfərov kitabın məziyyətlərindən danışaraq müəllifin bu əsərlə İslam tarixinə yeni baxış ortaya qoyduğunu və xeyli mənbələrdən istifadə etdiyini bildirdi.
Sonra çıxış edən t.ü.f.d Ceyhun Bayramlı kitabın yazılma səbəblərindən, əhəmiyyətindən və mövzunun aktullığından söhbət açaraq “İslam tarixinin gerçəkləri" əsərinin müsəlman dünyasında əsrlər boyu təbliğ edilmiş bir sıra həqiqətdənuzaq məlumatları təkzib edərək gerçəkləri çoxsaylı faktların köməyilə ortaya qoyduğunu bildirib. O əlavə edib ki, əsərində İslamın ilk əsrində baş vermiş hadisələrin ənənəvi məzhəblərin baxış bucağından kənar tərəfsiz təhlili verilib və diqqətdən kənarda qoyulmuş mətləblərə aydınlıq gətirməyə çalışıb. Nəşr geniş müzakirə mövzusu olan bir əsərdir və buna görə də təqdimat ictimaiyyəti mövzuyla tanış etmək məqsədi daşıyır.
AMEA Arxeologiya və Antroplogiya İnstitunun böyük elmi işçisi Pərviz Qasımov mövzunun Türk-İslam tarixi cəhətdən əhəmiyyətini vurğulayaraq müəllifin gərgin və elmi məhsuldar əməyini qeyd edərək bu kimi kitabların yeni tədqiqatlara işıq tutacağını bildirib.
BDU Jurnalistika Fakültəsinin dekanı, filologiya üzrə elmlər doktoru, professor Vüqar Zifəroğlu çxıış edərək kitabda zaman-zaman mübahisə doğuran mövzulara toxunulduğu və bu mövzuların ciddi elmi tədqiqat tələb etdiyini və bu baxımdan yeni nəşrin bu istiqamətdə mühüm iş olduğunu diqqətə çatdırıb.
Tədbirdə Müasir İnkişaf İctimai Birliyinin sədri, Crossmedia.az saytının baş redaktoru Mübariz Göyüşlü, AMEA Rəyasət Heyəti Aparatının baş mütəxəssisi, Milli Fikir və İnkişaf İctimai Birliyinin sədri Anar Turan, AMEA-nın əməkdaşı, diaspor üzrə ekspert Elnur Eltürk, Türk Dünyası üzrə mütəxəssis İlqar İlkin, İllahiyatçı Hacıməhəmməd, İlahiyyatçı- Kərbəlayı Əbdülrəhman, AMEA Tarix və Etnologiya İnstitutunun əməkdaşı Paşa Oğuz, təhsil eksperti Rizvan Fikrətoğlu çıxış edərək kitabın yazılmasında mövzunun dərinliyini, müəllifin gərgin əmək sərf etdiyini bildirərək əsəri həssas mövzuda cəsarətli addım kimi qiymətləndiriblər.
Təqdimatın sonunda iştirakçılar müəllifin imzalı kitabını əldə ediblər.
17:06 20.11.2025
Oxunuş sayı: 2228
