Qurban Qurbanovun fəaliyyətinə heç bir müdaxilə olunmur - Deputat
“Bir vaxtlar belə fikir formalaşmışdı ki, Azərbaycan komanda idmanlarında yüksək nəticə əldə edə bilmir. Ancaq “Qarabağ” Futbol Klubunun oyunları bu stereotipi tamamilə dəyişdi. Qurban Qurbanovun formalaşdırdığı müstəqil, peşəkar və düzgün idarəetmə modeli göstərdi ki, yerli mütəxəssislərimiz də dünya səviyyəsində komanda yarada bilirlər. Onun fəaliyyətinə heç bir müdaxilə olunmur”.
Bu sözləri Crossmedia.az-a geniş müsahibəsində Milli Məclisin Gənclər və İdman Komitəsinin üzvü Müşfiq Cəfərov deyib.
“Hətta bildiyimə görə, komandaya rəhbərliyi də özü edir. Ona görə də idmanda siyasət düzgün qurulduqda uğur qaçılmazdır. Arzu edərdik ki, belə Qurban Qurbanovlar çoxalsın və digər komanda idman növlərində də eyni inkişafı görək. Həm Gürcüstan, həm Özbəkistan bu sahədə irəliyə doğru böyük addımlar atıblar və biz də həmin səviyyəyə çatmalıyıq”,- o əlavə edib.
Müsahibənin tam versiyasını aşağıdakı linkdən oxuya bilərsiniz:
19:58 17.11.2025
Oxunuş sayı: 8041
