Trampın nazir namizədi narazılıq yaradıb
Robert Kennedi ABŞ-nin Səhiyyə və Sosial Xidmətlər Nazirliyinə təyin edilməsi ilə bağlı qərarı geniş müzakirələrə səbəb olub.
Crossmedia.az xarici KİV-ə istinadla xəbər verir ki, Kennedi vaksinlərin zərəri barədə yayılan dezinformasiyalara görə tanınır və bu səbəbdən onun Tramp tərəfindən nazir təyin edilməsi gözlənilməz və mübahisəli bir addım kimi qiymətləndirilir. Tərəfdarları onun "xroniki xəstəliklərin epidemiyasını dayandıracağı və Amerikaya yenidən böyüklük və sağlamlıq gətirəcəyi" barədə verdiyi vədini dəstəkləyirlər.
Bu təyinatın özü avtomatik olaraq nazirlik postuna keçidi təmin etmir, çünki yeni nazirlər Senat tərəfindən təsdiqlənməlidir. Halbuki, Respublikaçılar Senatda əksəriyyətə sahib olsalar da, bəzi senatorlar Trampın ən mübahisəli təyinatlarına qarşı səs verə bilər. Tramp bununla bağlı konstitusiya boşluğundan istifadə edərək, Senatı keçərək təyinatları həyata keçirmək niyyətində olduğunu da açıqlayıb.
Kennedinin təyinatı ABŞ-nin səhiyyə siyasətinə, xüsusilə vaksinasiya və elmi əsaslara dayanan yanaşmalarına ciddi təsir göstərə bilər. Onun anti-elmi mövqeləri və vaksinasiyaya qarşı olan bəyanatları ölkənin sağlamlıq siyasətində ciddi dəyişikliklərə səbəb ola bilər.
12:28 16.11.2024
Oxunuş sayı: 8060
