Müntəzəm sərnişindaşıma xidmətinin səviyyəsinin aşağı düşməsi ictimai nəqliyyat xidmətinə inamsızlıq yaradır - Anar Rzayev
Müntəzəm sərnişindaşıma xidmətinin səviyyəsinin aşağı düşməsi ictimai nəqliyyat xidmətinə inamsızlıq yaradır.
Crossmedia.az xəbər verir ki, bunu Azərbaycan Yerüstü Nəqliyyat Agentliyinin (AYNA) İdarə Heyətinin sədri Anar Rzayev
Prezident İlham Əliyevin Avtomobil nəqliyyatı ilə müntəzəm sərnişindaşıma sahəsinin təkmilləşdirilməsi ilə bağlı Fərmanına həsr edilən brifinqdə bildirib.
O bildirib ki, avtobusla müntəzəm sərnişin daşıma xidmətinin səviyyəsinin aşağı düşməsi sərnişinlər tərəfindən ictimai nəqliyyat xidmətinə inamsızlıq yaradır, avtobusdan istifadə arzusunu aradan qaldırır, taksilərə və şəxsi nəqliyyat vasitələrinə üz tutmasına səbəb olur.
"Nəticədə şəhər küçələrində şəxsi nəqliyyat vasitələrinin sayının artması və nəqliyyat sıxlığının yaranması müşahidə edilir"- deyə sədr vurğulayıb.
11:23 22.09.2025
Oxunuş sayı: 3211
