Paytaxtda oğurluq edənlər saxlanıldı

Nəsimi rayonunda ayrı-ayrı vətəndaşlara məxsus iki ədəd velosiped oğurlanıb.
Crossmedia.az DİN-in mətbuat xidmətinə istinadən xəbər verir ki, bu barədə zərərçəkən şəxslər polisə məlumat veriblər.
Nəsimi RPİ-nin 20-ci Polis Şöbəsinin əməkdaşları tərəfindən keçirilən əməliyyat-axtarış tədbirləri ilə əməlləri törətməkdə şübhəli bilinən, əvvəllər məhkum olunmuşlar – 27 yaşlı A.Abdullayev və 37 yaşlı R.Şirinov saxlanılıblar.
İdarənin 22-ci Polis Şöbəsinin əməkdaşları tərəfindən keçirilən tədbir zamanı isə paytaxt sakininin 2350 manat pulunu oğurlamaqda şübhəli bilinən 38 yaşlı S.Hüseynov da tutulub.
Faktlarla bağlı araşdırmalar aparılır.
12:08 30.08.2025
Oxunuş sayı: 1176