İctimai Televiziya - 20 il
Bu gün Azərbaycan mediasının inkişaf tarixində xüsusi bir yeri olan İctimai Televiziya və Radio Yayımları Şirkətinin (İTV) yaranmasının 20 ili tamam olur.
İctimai Televiziya ötən iyirmi il ərzində peşəkar jurnalistika prinsiplərinə, obyektiv və balanslı informasiya siyasətinə sadiq qalaraq, ictimaiyyətin etimadını qazanmış, milli-mənəvi dəyərlərin təbliği, demokratik dəyərlərin təşviqi və cəmiyyətin maarifləndirilməsi istiqamətində mühüm layihələrə imza atmışdır.
İTV bu gün yüksək texnoloji imkanlara malik yayım platforması, zəngin proqram çeşidi və geniş tamaşaçı auditoriyası ilə ölkəmizin aparıcı media qurumlarından biri kimi formalaşıb. Müasir jurnalistikanın çağırışlarına cavab verən yenilikçi formatları, yaradıcı komandasının fədakarlığı və peşəkarlığı sayəsində İctimai Televiziya Azərbaycan media məkanında nümunəvi bir brendə hətta məktəbə çevrilib.
Crossmedia.az kollektivi olaraq İctimai Televiziyanın rəhbərliyini, yaradıcı heyətini və bütün əməkdaşlarını bu əlamətdar yubiley münasibətilə səmimi qəlbdən təbrik edir, gələcək fəaliyyətlərində uğurlar, tamaşaçı sevgisi və daha böyük nailiyyətlər arzulayırıq.
Elmir Heydərli
10:43 29.08.2025
Oxunuş sayı: 2056
