Hadisə
Ötən günkü yanğından sonra Xırdalandakı DOST Mərkəzi müvəqqəti işləməyəcək
Ötən gün Abşeron rayonu, Xırdalan şəhərində yerləşən Abşeron DOST Mərkəzinin inzibati binasında baş verən yanğınla əlaqədar mərkəz müvəqqəti olaraq fəaliyyət göstərməyəcək.
Bu barədə Crossmedia.az-a DOST Agentliyindən məlumat verilib.
Bildirilib ki, fəaliyyətin dayandırılması mərkəzdə kiçik təmir işlərinin aparılması ilə bağlıdır.
Qeyd edək ki, ötən günkü hadisə mərkəzin yalnız bir otağında baş verib. Vətəndaşlar Bakı şəhərində yerləşən digər DOST mərkəzlərinə müraciət edə bilərlər.
15:05 28.08.2025
Oxunuş sayı: 660
