III MDB Oyunları zamanı qidalanmanın təşkilinə nəzarət məsələləri müzakirə olunub
Azərbaycan Qida Təhlükəsizliyi Agentliyi (AQTA) III MDB Oyunları zamanı qidalanmanın təşkilinə nəzarət və tənzimləmə tədbirləri ilə əlaqədar ictimai iaşə sahəsində fəaliyyət göstərən hotel və restoran nümayəndələri ilə Gəncə şəhərində görüş keçirib.
Bu barədə Crossmedia.az-a AQTA-dan məlumat verilib.
Bildirilib ki, Dövlət Turizm Agentliyi və təşkilat komitəsinin iştirakı ilə keçirilən görüşdə nəzarət tədbirləri zamanı ictimai iaşə müəssisələrində aşkarlanan əsas uyğunsuzluqlar və yaranma səbəbləri, həmçinin uyğunsuzluqların aradan qaldırılması istiqamətində görülməli işlər və mövcud tələblər barədə məlumat verilib.
Xatırladaq ki, III MDB Oyunları 2025-ci il 28 sentyabr - 8 oktyabr tarixlərində baş tutacaq.
16:10 27.08.2025
Oxunuş sayı: 4647
