Sabah Bakı metrosu gücləndirilmiş iş rejimində fəaliyyət göstərəcək
İyulun
30-da “Qarabağ” Futbol Klubunun UEFA Çempionlar Liqasının II təsnifat mərhələsində
İrlandiyanın “Şelburn” kollektivinə qarşı oyunu ilə əlaqədar “Bakı
Metropoliteni” QSC-nin iş rejimində dəyişikliklər ediləcək.
Crossmedia.az
“Bakı Metropoliteni”nə istinadən xəbər verir ki, oyun günü üç stansiyada gücləndirilmiş
iş qrafiki tətbiq olunacaq.
“Gənclik”
stansiyasının yaxınlığında yerləşən Tofiq Bəhramov adına Respublika stadionunda
baş tutacaq qarşılaşmaya azarkeş marağı nəzərə alınaraq, sərnişinlərin arena
istiqamətində yönləndirilmələri, səmti düzgün müəyyən etmələri, həmçinin təhlükəsiz
və rahat daşınmaları üçün əlavə tədbirlər görüləcək.
Bu
arenada təşkil edilən kütləvi tədbirlərlə əlaqədar Bakı Metropoliteninin
müvafiq əməliyyat planına uyğun olaraq, nəzarət mexanizmləri gücləndiriləcək.
Stansiyada əlavə işçi qüvvəsi ayrılmaqla növbətçilik cədvəli tərtib olunacaq.
Nəzarət
tədbirləri “Nərimanov” və “28 May” stansiyalarında da nəzərdə tutulur.
Metropoliten
xətlərində qatarlar hərəkətini yay qrafikinə uyğun davam etdirəcək. Lakin xəttə
buraxılması üçün ehtiyat qatarlar hazır vəziyyətdə saxlanılacaq.
16:53 29.07.2025
Oxunuş sayı: 830
