Rusiya "Domokl qılıncı"nı qaldırır: "Paşinyan devrilə bilər"
Ermənistanın "Hraparak" qəzetinin iddiasına görə, Rusiya Ermənistandakı 102-ci hərbi bazasını əhəmiyyətli dərəcədə gücləndirir.
Nəşrin məlumatına görə, son həftələrdə Gümrüdəki bazaya çoxlu sayda hərbi texnika və döyüş sursatı daşınır. Hər gün bazaya hərbi yükün olduğu bir neçə təyyarə enir.
Tədarüklərin məqsədi məlum deyil, lakin müxtəlif fərziyyələr irəli sürülür. Versiyalardan birinə görə, Moskva bununla regionda mümkün dəyişikliklərə hazırlaşır.
Nəşr həmçinin iddia edir ki, Ermənistan hakimiyyəti baş verənlərdən xəbərdardır, lakin vəziyyəti açıq şəkildə şərh etmir.
Bu Azərbaycanla normallaşma əlaqələrində xüsusi dinamikanın müşahidə oldunduğu bir vaxtda Moskvanın İrəvana növbəti təzyiq vasitəsi kimi qiymətləndirilə bilər. Nəzərə almaq lazımdır ki, Rusiya zaman- zaman məhz 102-ci bazadan Ermənistana qarşı "Domokl qılıncı" kimi istifadə edib.
Bazanın möhkəmləndirilməsi barədə Crossmedia.az-a danışan politoloq Məhəmməd Əsədullazadə bildirib ki, Rusiya Azərbaycanla Ermənistan arasında sülhün əldə edilməməsi üçün Ermənistan baş naziri Nikol Paşinyana təzyiqlər etməyə çalışır: "Həmçinin Azərbaycana qarşı siyasi təzyiqlər davam etdirir. Rusiya Qarabağdan köçən ermənilərin Ermənistanda "Artsax" adı ilə fəaliyyət göstərməsini N. Paşinyandan tələb edir. Həmçinin Ermənistanla Azərbaycan arasında sülh müqaviləsinin bağlanmasının "vaxtı deyil kimi"- mövqe ortaya qoyur. Rusiya Ermənistanda Gümrüdəki 102-ci hərbi bazasına silahlar daşıması, əsasən sülh prosesini və regional siyasəti pozmaqdan ibarətdir. Rusiya Prezidenti Vladimir Putin Paşinyanı hərbi yolla cəzalandırması istisna deyil. Əsas məqsəd öz adamını hakimiyyətə gətirib, sülh prosesini pozaraq Azərbaycana qarşı yeni hərbi əməliyyatlara başlatmaqdir. Təbii ki, Rusiyanın bu avantüralara getməsi mümkündür. Çünki Kreml rəhbərliyi yeni geosiyasi reallıqları qəbul etmir. Ona görə də Azərbaycana qarşı sərnişin təyyarəsini vurdu, azərbaycanlı miqrantlara qarşı şovinist siyasəti davam etdirir. Xəzər dənizində hərbi təlimlər keçirir".
Müsahibimizin fikrincə, eyni zamanda, Rusiyanın AZAL təyyarəsini vurması, siyasi hakimiyyətə yönəlmiş siyasi təzyiq teraktidır: "Məhz Azərbaycandan üzr istənilmir və təzyiqləri davam etdirilir. Təbii ki, Azərbaycan Rusiyanın siyasi tələbələrini qəbul etməyək. Ermənistanda vəziyyət isə Azərbaycandan fərqlidir. Paşinyan seçki öncəsi çətin dilemma qarşısında qalıb. Rusiyanın arxasında durduğu Kilsə və müxalifətlə qarşıdurma yaşayır. Bir tərəfdən də Rusiya hərbi qüvvələrini Ermənistana yığır. Ermənistan siyasi hakimiyyətinə Türkiyə və ABŞ siyasi dəstəyi labüd görünür. Hər iki ölkə Paşinyanı dəstəkləməsə, Rusiya onu devirə bilər. Təbii ki, proseslər Rusiya -Ukrayna müharibəsinin gedişatından çox asılıdır. Göründüyü qədəri ilə Rusiya Cənubi Qafqaz siyasətini aktivləşdirir".
Məhəmməd Əsədullazadə
11:32 28.07.2025
Oxunuş sayı: 3603
