Bakı Olimpiya Stadionunda keçiriləcək konsert üçün pulsuz avtobus reysləri təşkil olunacaq
İyulun 27-də Bakı Olimpiya Stadionunda keçiriləcək dünya ulduzu Castin Timberleykin konsertində iştirak edəcək tamaşaçıların rahat və təhlükəsiz gediş-gəlişini təmin etmək, həmçinin yollarda sıxlığın qarşısını almaq məqsədilə Azərbaycan Yerüstü Nəqliyyat Agentliyi (AYNA) tərəfindən xüsusi avtobuslar ayrılıb.
Crossmedia.az xəbər verir ki, bu barədə Azərbaycan Yerüstü Nəqliyyat Agentliyi bildirib. Ziyarətçilərin stadion istiqamətində daşınması saat 16:00-dan 20:00-dək metronun “Koroğlu” (Nəqliyyat Mübadilə Mərkəzi), “Qara Qarayev”, “28 May” və “20 Yanvar” stansiyalarından həyata keçiriləcək. Konsert bitdikdən sonra isə avtobuslar əks istiqamətdə saat 23:00-dan hərəkət edəcək.
Daşımalar
ümumilikdə 80 avtobus vasitəsilə və ödənişsiz təşkil olunacaq. Tədbir
iştirakçılarına şəxsi avtomobillərdən istifadə etmək əvəzinə avtobuslarla səfər
etmələri tövsiyə olunur.
18:00 26.07.2025
Oxunuş sayı: 8511
