Rusiya- Ukrayna müharibəsi bitir, atəşkəs imzalanır: "Yaxın iki ayda..."
ABŞ Prezidenti, Respublikaçıların lideri Donald Tramp dünyada ən çox müzakirə olunan, haqqında danışılan siyasətçilərdəndir. Xüsusilə ikinci dəfə hakimiyyətə gələndən sonra o, özünün davranışları və bəyanatları ilə media orqanlarının manşetlərindədir. Belə bir təəssürat yaranır ki, sanki dünyanı Tramp idarə edir...
Onun siyasəti barədə Crossmedia.az-a nışan ReAL partiyasının sədri, iqtisadçı- ekspert Natiq Cəfərlinin sözlərinə görə,
Oon onillərdir ki, dünya siyasətində Tramp qədər açıq siyasətçi olmayıb, etdiklərini öncədən deyib, niyyətini gizlətməyib: "Ona görə də şəxsən mən, dünya mediasında, elə bizim KİV və sosial şəbəkələrdə Trampla bağlı, “gözlənilməz addım atdı”, “şok qərarlar elan edəcək, və ya elan etdi”, “Tramp geri addım atdı”, kimi yazıları təəccüblə oxuyuram – axı, sadə analiz və açıqlamaların ardıcıllığını izləmək kifayyətdir ki, hansı addımların olacağını öncədən görəsən.ABŞ-da prezident seçkilərindən dərhal sonra, 9 noyabrda yazmışdım: “Ən keçərli planlardan biri ikili şantajdır. Bu Amerikanın keçən əsrin ortalarında bir çox ölkələrdə və münaqişələrdə tətbiq etdiyi yoldur. Yəni hər iki tərəfə çox sərt şərtlər irəli sürərək anlaşmaya məcbur etmək deməkdir. Məsələn, Donald Tramp Rusiyaya deyə bilər ki, Amerikanın şərtləri çərçivəsində anlaşmasa, Ukraynaya bütün müasir silahları verəcək. Eyni zamanda Ukraynaya bildirər ki, bizim şərtlərlə razılaşmasanız hərbi yardımları dayandırarıq. İndiki dövrdə münaqişənin dondurulması daha real görünür və məsələnin kökündən həlli mümkün deyil. Sadəcə olaraq qarşılıqlı güzəştlər çərçivəsində savaş dondurula bilər”.
21 yanvar 2025-ci ildə, Tramp prezident kimi and içib işə başlayan gün yazmışdım: “Trampın ikili şantaj taktikası: ABŞ Rusiya və Ukraynaya təzyiqləri artıra bilər. Hər iki tərəfə Amerikanın təklif edə biləcəyi və təhlükə yaradacağı amillər var. Yəni Amerika Ukraynaya yardımı dayandırmaqla, Rusiyaya isə rəsmi Kiyevə dəstəyi artırmaqla basqı edə bilər”.
Onun fikrincə, “İkili şantajın” ilk ayağı Ukraynaya oldu, Rusiyaya daha yumşaq davranmaqla, Kremlin müəyyən addımlar atacağını gözlədilər – olmadı, indi Tramp və ABŞ “ikili şantajın” növbəti mərhələsinə keçir, yaxın günlərdə, həftələrdə Rusiyaya təzyiqlər, sanksiyalar, dolayı-birbaşa məhdudiyyətlər kəskin artacaq: "Rusiyaya təzyiq müharibəni dayandıracaqmı – demək çətindir, amma, Rusiya özü-özünü çox dərin quyuya, bataqlığa salıb, Ukraynada işğal etdikləri əraziləri, hətta işğal altında saxlasa belə, o ərazilərin bərpasına 1,5 trilyon dollar lazım olacaq. Bundan başqa, Ukrayna ordusunun Rusiyanın beynəlxalq sənədlərə tanınan ərazilərinə, hərbi obyektlərə, enerji infrastrukturuna vurduğu zərbələrin maddı ziyanı artıq 200 mlrd. dollara çatıb.
Çox güman, yaxın 2 ayda atəşkəs imzalana bilər, bu müharibənin bitdiyi anlamına gəlməyəcək, amma, münaqişənin “dondurulması” mümkündür.
Əslində, Qərbə “donmuş” münaqişə çox sərf edir – lazım olanda “buzu” əritmək, Rusiyaya təzyiqi artırmaq mümkün olacaq".
Kənan Novruzov
13:13 16.07.2025
Oxunuş sayı: 14849
