İki liderin qəribə görüşünün "pərdərarxası" Tramp əvvəlcə Ərdoğanı özünə tərəf çəkdi, sonra isə...
NATO liderlərinin Niderlandda keçirilən növbəti Zirvə Görüşündə ailə fotosu çəkilən zaman ABŞ Prezidenti Donald Trampla türkiyəli həmkarı Rəcəb Tayyib Ərdoğanın davranışları diqqət çəkib. Belə ki, mərkəzdə dayananib. prezidentlər əl tutublar. Bu zaman Tramp xəfif formada Ərdoğana tərəf əyilib, sonra əlini onun əlinin üstünə qoyub və özünə tərəf çəkməyə cəhd edib. Ardınca isə kostyumunu düzəldib. Ərdoğan buna təbəssümlə cavab verib.
Dövlət başçılarının bədən dilini Crossmedia.az-a şərh edən psixoloq Aynur İsgəndərova Onlar digər liderlərdən sanki biraz ayrılıb və söhbət edərək şəkil çəkdirməyə gediblər: "Çəkdirmə yerinə gələrkən Ərdoğan bir pilləkən yuxarı qalxıb və dayanıb. Tramp isə görüşməmişdən qabaq əlini onun çiyninə qoyub bir pilləkən yuxarı qalxıb. Bu zaman ilk Ərdoğan əl uzadıb. Tramp da qarşılığında görüşüb. Lakin Tramp əlini çəkmək istəyəndə hələ Ərdoğan onun əlini tutub. Qarşılığında isə digər əli ilə üzərinə vurub. ABŞ NATO-da olan ölkələr arasımda özünü güclü hesab edən dövlətlərdən, özündən razı olan liderlərdən biridir. Trampın özünə yaraşdırdığı Ərdoğan olub. Ona görə NATO zirvəsində şəkil çəkdirməyə gedən yolda ən çox Ərdoğanla vaxt keçirib Bu da o deməkdir ki, onların münasibətləri yaxşıdır. Şəkil çəkdirmək müddətində özünün seçim etməsi və əlini onun çiyninə qoyması müəyyən mənada səmimi ünsiyyət qurmaqla bərabər bir qədər də "məndən böyük lider yoxdur" mesajını verir. Həmçinin, Ərdoğan ilk növbədə əl uzatmağına rəğmən, Trampın sonda onun əlinin üzərinə vurmağı yenə də üstünlüyün Trampda olduğunu göstərir. Trampın Ərdoğanla bu cür görüşməsi ilk dəfə deyil. Görünür, Tramp Türkiyəni də güclü dövlət hesab edir və hər məsələdə onun fikrini, dəstəyini gözləyir.
Fatimə Məmmədova
15:47 26.06.2025
Oxunuş sayı: 26697
