Tramp: Harrisin qalibiyyəti ABŞ üçün Böyük Depressiya olacaq
Respublikaçılar Partiyasından prezidentliyə namizəd Donald Tramp Demokratlar Partiyasından Kamala Harrisin qalib gələcəyi təqdirdə Birləşmiş Ştatların Böyük Depressiyaya bənzər iqtisadi böhranla üzləşə biləcəyi barədə xəbərdarlıq edib.
Crossmedia.az xarici KİV-ə istinadən xəbər verir ki, Şimali Karolina ştatının Qastoniya şəhərində tərəfdarları qarşısında danışan Tramp, deyib: "Demokratların namizədi Kamala Harris prezident seçkilərində qalib gələrsə, Birləşmiş Ştatlar 1929-1939-cu illərdəki Böyük Depressiya ilə müqayisə oluna biləcək iqtisadi böhrana düşəcək”.
Seçki vədləri kontekstində o əlavə edib ki, qalib gəlsə, amerikalılar daha yaxşı iş yerləri və daha yüksək maaşlara arxalana biləcəklər.
Qeyd edək ki, ABŞ-da növbəti prezident seçkiləri noyabrın 5-də keçiriləcək.
Gültac Mehdizadə
06:00 03.11.2024
Oxunuş sayı: 6407
