Doğum tarixinin insan həyatına təsiri
Hər bir insan görünüşü, xarakteri, davranışı, daxili aləmi ilə cəmiyyətdə fərqlənir. Bu fərqlər bəzən genetik faktorlarla, bəzən də doğum ili, ayı, saatı və bürcü ilə əlaqələndirilir.
İnsanın doğulduğu il, ay, saat və bürc vasitəsilə doğum xəsritəsi hazırlanır. Doğum tarixinin bizim həyatımıza təsiri ilə əlaqədar astroloq Nərmin Zeynalova Crossmedia.az-a açıqlama verib.
Astroloq enerjilərin həyatımıza təsirindən danışıb:
"Astrologiya təkcə ulduzlar, planetlər, bürcləri öyrənən elm deyil, astrologiya həm də enerjiləri öyrənən elmdir. Bizi əhatə edən hər bir şey enerjidir. Enerji hər zaman dəyişir. İnsan dünyaya gələrkən ilk nəfəsini aldıqda ətrafdakı həmin anın enerjisini qəbul edir və bu enerji onun ruhuna çevrilir. Doğulduğumuz an bizi ifadə edir. Biz yaşayarkən ətrafımızdakı enerjilər dəyişir və daxilimizdəki enerji ətrafdakı enerjilərlə münasibətdə olur və təsir göstərir.
Ekspert onu sa vurğulayıb ki, astrologiyada planetlər, bürcləri biz ölçü vahidi kimi istifadə edirik:
"Klassik qərb astrologiyasında 10 planet və 12 bürc var. Astrologiya 12 ev anlayışı üzərində qurulur. 12 evin hər birini bir bürc idarə edir. Enerjiləri bu vasitələrlə ölçürük. Bizim doğum xəritəmiz elə bu vasitələr əsasında qurulur. Enerjilər həyatımıza, şəxsiyyətimizə təsir göstərir və digər enerjilərlə təmasını da nümayiş etdirir. Astrologiya bilgiləri bizə çox qapılar aça bilər".
Zeynəb Mustafazadə
09:31 02.11.2024
Oxunuş sayı: 18488
