Əraqçi Almaniyanın bu addımını sanksiya adlandırıb
İranın xarici işlər naziri Abbas Əraqçı bu gün Almaniyanın Münhen, Hamburq və Frankfurt şəhərlərindəki İran konsulluqlarının bağlanmasına reaksiya verib.
Crossmedia.az xəbər verir ki, nazir bu barədə özünün “X” sosial şəbəkəsində paylaşım edib.
“İranın Almaniyadakı konsulluqlarının bağlanması bu ölkədə yaşayan və əksəriyyətinin də ikili vətəndaşlığı olan iranlılara qarşı sanksiyadır. Almaniyadakı soydaşlarımı əmin edirəm ki, Berlindəki səfirliyimizin və diplomatik nümayəndəliklərin konsulluq şöbələrini gücləndirməklə, bu vəziyyəti kompensasiya etmək üçün əlimizdən gələni edəcəyik”,- deyə İran rəsmisi qeyd edib.
Qeyd edək ki, Berlin Tehranda İran əsilli Almaniya vətəndaşı Cəmşid Şarmhədin edam edilməsinə etiraz olaraq bu ölkənin konsulluqlarını bağlamaq barədə qərar alıb.
15:01 01.11.2024
Oxunuş sayı: 7413
