Hadisə
Binəqədi rayonu ərazisində silsilə oğurluqlar edən şəxs saxlanılıb
Binəqədi rayonu ərazisində 1369 manat dəyərində kabel oğurlanıb. Binəqədi RPİ 40-cı Polis Bölməsi əməkdaşlarının keçirdikləri tədbirlərlə əməli törətməkdə şübhəli bilinən, əvvəllər məhkum olunmuş E.Əliyev saxlanılıb.
Bu barədə Crossmedia.az-a DİN-nin Mətbuat Xidmətindən məlumat verilib.
Aparılan araşdırmalarla müəyyən edilib ki, saxlanılan şəxs rayon ərazisində bir nəfərin “Kia” markalı avtomobilindən 660 manat maddi vəsait və digər bir şəxsin həyətindən 1000 manat dəyərində dəmir materiallar da oğurlayıb.
Araşdırmalar davam etdirilir.
12:20 22.05.2025
Oxunuş sayı: 830
