Avstraliya Azərbaycan Assosiasiyası Leyborist Partiyasını təbrik edib
3 may 2025-ci il tarixində Avstraliyanın Yeni Cənubi Uels ştatında keçirilən seçkilərində Leyborist Partiyası böyük üstünlüklə qalib gəlib. Seçkinin nəticələri partiyanın ictimaiyyət arasında güclü dəstəyə sahib olduğunu bir daha nümayiş etdirib. Kampaniya dövründə sosial rifah, təhsil və səhiyyə sahələrinə dair vədlər seçicilər tərəfindən müsbət qarşılanıb. Qələbə partiya liderləri və tərəfdarları tərəfindən coşqu ilə qeyd olunub.
Crossmedia.az məlumat verir ki, Avstraliya Azərbaycan Assosiasiyasının sədri Mikayıl Oyta, seçkilərdə böyük üstünlüklə qalib gələn Leyborist Partiyasını və senator Penni Vongu təbrik edib. Mikayıl Oyta partiyanın milli maraqlar naminə həyata keçirmək istədikləri bütün müsbət hədəflərə çatmalarını arzulayıb: “Avstraliya Azərbaycan Assosiasiyası adından 3 may 2025-ci il tarixində keçirilən seçkilərdə əhəmiyyətli fərqlə qalib gələn senator Penni Vongu və Leyborist Partiyasını təbrik etmək istərdim. Bu, partiya üçün əlamətdar və əhəmiyyətli bir qələbə oldu".
Oyta qeyd edib ki, bu nəticə yalnız partiyanın deyil, eyni zamanda Avstraliya ictimaiyyətinin də uğurudur: “Sizə gələcək fəaliyyətinizdə davamlı uğurlar və milli maraqlar naminə bütün müsbət məqsədlərinizə çatmağınızı diləyirik. Hər zaman olduğu kimi, icmamız Leyborist Partiyasının yanında dayanır və sizə dəstəyini davam etdirir.”
Sonda Oyta, seçki kampaniyası müddətində fədakarcasına çalışan hər kəsə təşəkkür edib və seçkilərin nəticələrinin ölkə üçün daha parlaq gələcək vəd etdiyini bildirib.
Fatimə Nəbiyeva
11:55 07.05.2025
Oxunuş sayı: 3088
