Azərbaycanda ticarət şəbəkələrində 50 mindən artıq şəxs çalışır
Hazırda Azərbaycanda ticarət şəbəkələrində 50 mindən artıq şəxs çalışır.
Crossmedia.az xəbər verir ki, bunu İqtisadiyyat Nazirliyinin tabeliyindəki Kiçik və Orta Biznesin İnkişafı Agentliyinin (KOBİA) yanında İctimai Şuranın sədri Samir Abdullayev “Ticarət şəbəkələrinin bazar iqtisadiyyatında rolu: imkanlar və perspektivlər” mövzusunda keçirilən ictimai müzakirələr zamanı bildirilib.
Onun sözlərinə görə, ticarət şəbəkələri ölkədə əhalinin məşğulluğunun təmin olunmasında əhəmiyyətli rol oynayır: “Lakin sektorda əsas problemlərdən biri ixtisaslı kadr çatışmazlığıdır. Bu problemin aradan qaldırılması məqsədilə ticarət şəbəkələrinin nəzdində təlim və hazırlıq mərkəzlərinin yaradılması zəruri hesab olunur".
O əlavə edib ki, ticarət şəbəkələri ərzaq məhsullarının təhlükəsizliyinin təmin olunmasında mühüm rol oynayır: “Bu, məhsulların düzgün saxlanması və satışı proseslərini əhatə edir".
Xatırladaq ki, tədbir KOBİA və Prezident yanında Antiinhisar və İstehlak Bazarına Nəzarət Dövlət Agentliyinin təşkilatçılığı ilə keçirilir.
15:36 24.04.2025
Oxunuş sayı: 875
