Azərbaycan və Çin investisiya tərəfdaşlığının inkişafını müzakirə ediblər
Azərbaycan və Çin arasında investisiya tərəfdaşlığının inkişaf etdirilməsi müzakirə edilib.
Crossmedia.az İxracın və İnvestisiyaların Təşviqi Agentliyindən (AZPROMO) istinadən məlumat verir ki , müzakirələr qurumun icraçı direktoru Yusif Abdullayevin Çinin Milli İnkişaf və İslahat Komissiyasının (NDRC) Xarici kapital departamentinin baş direktorunun müavini Vu Honlianq ilə görüşündə aparılıb.
Tərəflər birgə işgüzar tədbirlərin keçirilməsi, ortaq maraqlara əsaslanan investisiya tərəfdaşlığının inkişaf etdirilməsi məsələlərini nəzərdən keçiriblər.
Aprelin 17-də AZPROMO, Azərbaycanın Çindəki ticarət nümayəndəsi Aparatı və NDRC-nin birgə təşkilatçılığı, Pekin şəhər İnkişaf və İslahat Komissiyasının dəstəyi ilə keçirilmiş Çin-Azərbaycan Sənaye və İnvestisiya Əməkdaşlığının Təşviqi Konfransı Azərbaycan-Çin investisiya tərəfdaşlığının təşviqinin təmin olunması və inkişaf etdirilməsi baxımından vacib platforma kimi yüksək qiymətləndirib, gələcəkdə sözügedən mexanizmin reallaşdırılmasının davam etdirilməsinin önəmi vurğulanıb.
Bildirilib ki, hər iki tərəfdən 200-dək şirkətin konfransa qatılması Çin və Azərbaycanın işgüzar dairələrinin birgə layihələrin həyata keçirilməsinə və qarşılıqlı faydalı tərəfdaşlıq əlaqələrinin inkişafına fəallığını və hazır olduğunu əyani şəkildə nümayiş etdirir.
Görüşdə sözügedən konfrans çərçivəsində AZPROMO və NDRC ilə arasında imzalanmış Anlaşma Memorandumunun Çin şirkətlərinin Azərbaycanda investisiya fəaliyyətinə cəlb olunması prosesini asanlaşdıracağı və Çin kapitalının Azərbaycana axınının artımına müsbət təsir göstərəcəyi qeyd edilib.
15:55 21.04.2025
Oxunuş sayı: 11608
