Qələbənin 80 illiyinə həsr olunmuş beynəlxalq seminar keçirilib
Aprelin 17-də Rusiya Milli Kitabxanasının təşkilatçılığı ilə Böyük Vətən müharibəsində Qələbənin 80 illiyinə həsr olunmuş “Böyük Vətən müharibəsi illərində kitablar və kitabxanalar: itkilər və bərpa” mövzusunda beynəlxalq elmi-praktiki seminar keçirilib.
Crossmedia.az xəbər verir ki, onlayn formatda keçirilən tədbirdə Azərbaycan Milli Elmlər Akademiyasının Mərkəzi Elmi Kitabxanasının direktoru, texnika elmləri doktoru Hüseyn Hüseynov, direktor müavini, filologiya üzrə fəlsəfə doktoru, dosent Şəhla Quliyeva və Komplektləşdirmə şöbəsinin rəhbəri Gülnar Məmmədova iştirak ediblər.
Tədbirdə “AMEA-nın Mərkəzi Elmi Kitabxanası Böyük Vətən müharibəsi dövründə (1941–1945-ci illər)” mövzusunda fikir mübadiləsi aparılıb. Seminarda həmçinin müharibə dövründə dağıdılan kitabxanaların taleyi, itirilmiş nəşrlərin bərpası və digər aktual məsələlər müzakirə olunub.
19:36 17.04.2025
Oxunuş sayı: 9150
