“Vətənə bağlı ömür” adlı sənədli bədii filmin təqdimat mərasimi keçirilib
YAP Yasamal rayon təşkilatında Azərbaycan Bayrağı” ordenli, Xüsusi Təyinatlı Qüvvələrin kapitanı, 44 günlük Vətən müharibəsi şəhidi Nurlan Mustafayevin ömür yolundan bəhs edən “Vətənə bağlı ömür” adlı sənədli bədii filminin təqdimat mərasi keçirilib.
Təqdimat mərasimdə YAP Yasamal rayon təşkilatının sədri Bəxtiyar Nəbiyev, Yeni Azərbaycan Partiyası Veteranlar Şurasının üzvü, məhşur “91-lər”dən biri Şahlar Əsgərov, Azərbaycan Respublikası Milli Məclisinin deputatları Ülvi Quliyev, Göydəniz Qəhrəmanov, Azərbaycan Bayrağı” ordenli, Xüsusi Təyinatlı Qüvvələrin kapitanı, 44 günlük Vətən müharibəsi şəhidi Nurlan Mustafayevin anası Rahilə Ramazanova, Yasamal Rayon İcra Hakimiyyətinin Vətən müharibəsi iştirakçıları və şəhid ailələri ilə işin təşkili şöbəsinin müdiri Samir İsmiyev, “Vətənə bağlı ömür” adlı sənədli bədii filmin ssenari müəllifi olan Mehriban Sadıqova, YAP Yasamal rayon təşkilatının əməkdaşları, ərazi partiya təşkilatlarının sədr, sədr müavinləri, şəhid ailələri, qazilər, müharibə veteranları, ictimaiyyət nümayəndələri iştirak edib.
Əvvəlcə Yasamal rayonu ərazisində yerləşən Şəhidlərin Xatirə Kompleksi ziyarət edilib, ölkəmizin ərazi bütövlüyü, suverenliyi uğrunda canlarını fəda etmiş şəhidlərimizin əziz xatirəsi dərin hörmət və ehtiramla yad edilib.
Təqdimat mərasimdə Azərbaycan Respublikasının Dövlət Himni səsləndirilib, Ulu Öndər Heydər Əliyevin və Azərbaycan Respublikasının suverenliyi və ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.
Sonra Azərbaycan Bayrağı” ordenli, Xüsusi Təyinatlı Qüvvələrin kapitanı, 44 günlük Vətən müharibəsi şəhidi Nurlan Mustafayevin ömür yolundan bəhs edən ssenari müəllifi Mehriban Sadıqovanın olduğu “Gün TV” Media Qrupunun istehsal etdiyi “Vətənə bağlı ömür” adlı sənədli bədii filmi təqdim olunub.
“Vətənə bağlı ömür” adlı sənədli bədii filmin ssenari müəllifi olan Mehriban Sadıqova çıxış edərək 44 günlük Vətən müharibəsində qəhrəman hərbiçilərimizin rəşadətindən və şəhidi Nurlan Mustafayevin əziz xatirəsinə həsr olunmuş “ Vətənə bağlı ömür ” adlı filmin ərsəyə gəlməsindən bəhs edib. Nəzərə çatdırıldı ki, şəhid ailələri və qazilərin sosial müdafiəsini gücləndirmək və onlara dövlət qayğısını artırılması daim Prezident cənab İlham Əliyevin və Birinci vitse-prezident Mehriban xanım Əliyevanın daim diqqətindədir.
Çıxış edən Yeni Azərbaycan Partiyası Veteranlar Şurasının üzvü, məhşur “91-lər”dən biri Şahlar Əsgərov qeyd edib ki, İkinci Qarabağ müharibəsi bizim şanlı tariximizdir. Bu Qələbə tarixdə əbədi qalacaq. Azərbaycan Silahlı Qüvvələri Müzəffər Ali Baş Komandan cənab İlham Əliyevin rəhbərliyi ilə 44 gün ərzində düşmən ordusunu məhv edərək öz ərazi bütövlüyünü bərpa etdi. Biz düşməni torpaqlarımızdan qovduq və ədaləti, beynəlxalq hüququ bərpa etdik. Biz milli ləyaqətimizi bərpa etdik. Bu gün Azərbaycan xalqı mərd oğullarımızın şücayəti sayəsində müzəffər xalq kimi yaşayır. Bu gün Prezident cənab İlham Əliyevin və Birinci vitse-prezident Mehriban xanım Əliyevanın rəhbərliyi ilə şəhid ailələri, qazilər və əhalinin digər həssas qruplarına aid vətəndaşlara diqqət və qayğının göstərilməsi, onların rifah halının yaxşılaşdırılması dövlətimizin yürütdüyü siyasətin prioritet istiqamətlərindən biri olmasını bir daha göstərir.
Sonda çıxış edən Azərbaycan Bayrağı” ordenli, Xüsusi Təyinatlı Qüvvələrin kapitanı, 44 günlük Vətən müharibəsi şəhidi Nurlan Mustafayevin anası Rahilə Ramazanova Nurlan Mustafayev haqqına öz xatirələrini bölüşüb. Bildirilib ki, Azərbaycan Respublikası hər zaman öz vətəndaşının rifah halını yaxşılaşdırmaq üçün xüsusi tədbirlər görür. Bu, təkcə bir sahəyə aid deyil, ümumilikdə, vətəndaşların həyat səviyyəsinin yaxşılaşdırılması dövlətin diqqət mərkəzindədir. Çıxışın sonunda göstərilən diqqət və qayğıya görə Prezident cənab İlham Əliyevə və Birinci vitse-prezident Mehriban xanım Əliyevaya dərin minnətdarlıq ifadə olunub.
Sonda xatirə şəkli çəkdirilib.
Qeyd edək ki, Prezident cənab İlham Əliyevin müvafiq Sərəncamlarına əsasən Mustafayev Nurlan Hamet oğlu şəhadətindən sonra “Azərbaycan Bayrağı” ordeni, "Vətən uğrunda", "Füzulinin azad olunmasına görə","Cəbrayılın azad olunmasına görə", "Xocavəndin azad olunmasına görə" və “Kəlbəcərin azad olunmasına görə” medalları ilə təltif edilib.
Allah bütün şəhidlərimizə rəhmət eləsin!
14:32 12.03.2025
Oxunuş sayı: 4294
