Azərbaycan İncəsənət Məktəbinin təşəbbüsü ilə “1-ci Uşaq Teatr Festivalı” başlayır
Milli Teatr Gününün 152-ci ildönümü münasibətilə Mədəniyyət Nazirliyinin tabeliyində fəaliyyət göstərən Bakı Şəhər Mədəniyyət Baş İdarəsi və Azərbaycan Teatr Xadimləri İttifaqının birgə təşkilatçılığı ilə martın 10-dan 17-dək 6-14 yaş arası uşaqlar üçün “1-ci Uşaq Teatr Festivalı” keçiriləcək.
Crossmedia.az xəbər verir ki, bu unikal tədbir Azərbaycan xalq nağıllarının yaşadılması və yeni nəsilin mədəniyyətə marağının artırılması məqsədini daşıyır.
Festival çərçivəsində 15 komanda iştirak edəcək, hər bir komanda 10 nəfərlik heyəti keçmədən iştirak edə bilər. Komandalar tərəfindən təqdim olunacaq tamaşalar 20-35 dəqiqə davam edəcək və yalnız Azərbaycan xalq nağılları əsasında hazırlanacaq. Bu yanaşma, uşaqların milli irsimizə bağlılığını möhkəmləndirməklə yanaşı, onların yaradıcılıq qabiliyyətlərini inkişaf etdirməyə imkan yaradacaq.
14:22 07.03.2025
Oxunuş sayı: 6098
