Ahıl şəxslər üçün yarışlar təşkil edilib
Gənclər və İdman Nazirliyi “İdman həftəsi” çərçivəsində martın 3-də Bakının Bilgəh qəsəbəsində yerləşən Ahıl şəxslər üçün sosial xidmət müəssisəsində velosiped, nərd, boccia idman növləri üzrə yarışlar təşkil edib.
Nazirliyin mətbuat xidmətindən Crossmedia.az-a verilən məlumata görə, peşəkar mütəxəssislər tərəfindən idman növlərinin qaydaları açıqlandıqdan sonra yarışlara start verilib.
Yekun nəticələrə əsasən, nərd yarışında Arif Babayev, Rafiq Əliyev, Xanlar Camiyev fərqləniblər. Velosiped idmanı üzrə Zakir Fərəciyev birinci olub. Vyaçeslav Şuyenkov və Valeh Əbilov müvafiq olaraq ikinci və üçüncü yerə layiq görülüblər. Boccia üzrə Maya Abbasova birinci yeri tutub. Raisa Şaqidulina ikinci, Elmira Qarayeva isə üçüncü yerdə qərarlaşıblar.
00:43 04.03.2025
Oxunuş sayı: 15394
