Tarixçidən maraqlı analogiya: "Qərb gözləyir ki rus ordusu Ukraynanı tamamilə tutsun"
Ukrayna Prezidenti Volodimir Zelenskinin martın ikisində Böyük Britaniyanın paytaxtı Londonda Avropa liderləri ilə görüşü tarixi hadisə idi. Xüsusilə nəzərə almaq lazımdır ki, bu səfər onun Vaşinqtonda amerikalı həmkarı Donald Trampla uğursuz müzakirəsindən sonra baş verdi. Britaniyada liderlər rəsmi Kiyevə dəstəklərini ifadə etdilər, yardımların davamlı olacağını bildirdilər. Bu Ukrayna üçün ümid yeridir, yoxsa "siçan tələsinə qoyulmuş pendir"?
Crossmedia.az-a danışan tarixçi - alim Taleh Cəfərovun fikrincə, Rusiya-Ukrayna müharibəsi kontekstində Avropa ölkələrinin sərgilədiyi bugünkü mövqe Rusiyanın Gürcüstana hücumu zamanı ABŞ -nin keçmiş prezidenti Barak Obamanın sərgilədiyi mövqeyə bənzəyir: "O zaman rus ordusu gürcü şəhərlərinə daxil olduğu zaman prezident Mixail Saakaşvili həyacanlı şəkildə prezident Obamaya zəng edərək rus ordusunun artıq paytaxta yaxınlaşdığını bildirmişdi. Obama isə cavabında: "qoy girsinlər, baxarıq" demişdi.Gürcüstanı Rusiyanın caynağında tək buraxan Qərb bu gün eyni münasibəti Ukrayna üçün sərgiləyir. Qərb nə gözləyir? Gözləyir ki, rus ordusu Ukraynanı tamamilə tutub Avropanın içərilərinə doğru sürətli şəkildə irəliləsin, ondan sonra təlaşa düşsünlər?".
Kənan Novruzov
16:47 03.03.2025
Oxunuş sayı: 13342
