ABŞ BMT-dən çıxır: qanun layihəsi təqdim olunub
Respublikaçı senatorlar ABŞ-nin Birləşmiş Millətlər Təşkilatından çıxarılması ilə bağlı qanun layihəsi təqdim ediblər.
Crossmedia.az “Fox News”a istinadla xəbər verir ki, qanunvericilər BMT-nin Amerikanın maraqlarını müdafiə etmədiyini və bunun Donald Trampın "Birinci Amerika" gündəliyi ilə uyğun gəlmədiyini bildirir.
Qanun layihəsində Senatın təsdiqi olmadan təşkilata yenidən qoşulmağın qadağan edilməsi nəzərdə tutulur. Bundan əlavə, qanun qəbul olunarsa, Birləşmiş Ştatlar BMT-nin sülhməramlı missiyalarında da iştirak etməyəcək.
Qanun layihəsinin müəlliflərindən biri, Yuta senatoru Mayk Li bu təşəbbüsü belə şərh edib:
“BMT tiranların platformasına, ABŞ və onun müttəfiqlərinə hücum yerinə çevrilib.
Qeyd edək ki, Donald Tramp vəzifəyə gəldikdən sonra ölkənin BMT-nin İnsan Haqları Şurasından çıxarılması barədə sərəncam imzalayıb. ABŞ prezidenti həmçinin Birləşmiş Millətlər Təşkilatının Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) gələcək maliyyələşdirilməsini dayandırıb”.
Nəzrin Salmanova
12:15 22.02.2025
Oxunuş sayı: 17469
